Загрижувачка е ситуацијата со пожарите во Албанија, каде што огнени стихији бушеваат на скоро целата територија, а најтешка е ситуацијата на југот. Тука се евакуирани како локалните жители, така и туристи.
Во последните 24 часа, надлежните регистрирале 45 пожари, од кои 21 се уште активни, 16 под строга контрола, а 8 се успешно изгаснати.
Во рамките на механизмот за цивилна заштита на Европската Унија, противпожарен авион “Канадер” полетал од Италија за да учествува во гаснењето на пожарите во јужните области, вклучително Борш, Пиќерас и Лукове, каде што ситуацијата е особено критична.
Во Борш, огнените јазици се доближиле до плажата, а на патот Химара-Саранда во близина на Борш, воведена е забрана за сообраќај. Евакуирани се жителите на становите изложени на опасност, како и туристите во локалните хотели.
Пожарите оставија зад себе значителна штета. По гаснењето на огнот во селото Канин, недалеку од Делвина, Министерството објави фотографии кои покажуваат размерот на разурнувањето.
Според информациите од Полицијата, уапсен е 63-годишен маж кој го предизвикал пожарот во кој изгореле 600 хектари вегетација и природни површини во Националниот парк “Дајти”.
