Audi објави дека компанијата започна go процесoт на реорганизирање на производствените можности, за да може да стартува сериското производство на првиот целосно електричен SUV модел во Брисел, во 2018 година.
Од Audi коментираат дека премиерното остварување од меѓународниот салон во Франкфурт минатата година, концептниот e-tron quattro е подготвен за сериско производство во белгиската метропола. Батериите кои ќе бидат интегрирани во него, исто така, ќе се произведуваат во фабриката на брендот во Брисел.
Електричниот теренец на Audi ќе биде позициониран меѓу актуелните Q7 и Q5, и ќе предложи типични за брендот диниамични и квалитетни параметри, а ќе ги комбинира со автономија од над 500 километри.
