Претседателот на Русија Владимир Путин денеска изјави дека новоизбраниот американски претседател Доналд Трамп е искусен и интелигентен политичар, но изрази загриженост за неговата безбедност.
„Не мислам дека Трамп е сигурен. Во историјата на САД, за жал, имало различни инциденти. Сметам дека Трамп е интелигентен и се надевам дека е внимателен и тоа го разбира“, изјави Путин во Казахстан.
Тој оцени дека за време на изборната кампања во САД биле користени „недозволиви средства, вклучувајќи повеќе обиди за атентат“.
