Премиерот на Албанија – Еди Рама, изјави дека целта на неговата политичка кариера е да „Албанија да се обедини со Косово“.
Во гостување во емисијата „Слободна зона“ на косовската ТВ „Клан“, Рама негираше дека работи за личен интерес.
„Јас да бидам претседател на Албанија и Косово? Тоа не е во моите планови. Но, обединување на Албанија со Косово, да. Тоа е стремежот“, изјавил Рама, пренесе РТК.
Рама додал и дека себе си, по 2030 година, се гледа во нешто друго и далеку од политиката, но тоа, како што посочил, не го спречува да има план за обединување на Албанија и Косово.
