Регулаторната комисија за енергетика денеска донесе нова одлука во врска со цените на горивата. Според најновите пресметки, референтните цени на нафтените деривати на светските пазари бележат пораст во однос на претходниот период. Поскапување е забележано кај бензините за 0,961%, дизелот се зголемил за 2,131%, додека екстра лесното масло е поскапо за 2,031%. Единствено, мазутот забележува намалување од 2,270%.
Како резултат на овие промени, малопродажните цени на горивата се коригираат. Цената на ЕУРОСУПЕР БС-95, ЕУРОСУПЕР БС-98 и екстра лесното масло за домаќинство (ЕЛ-1) се зголемува за 0,50 денари по литар. Со оваа промена, новата цена на ЕУРОСУПЕР БС-95 изнесува 80,00 денари за литар, додека ЕУРОСУПЕР БС-98 ќе се продава за 82,00 денари по литар. Екстра лесното масло за домаќинство (ЕЛ-1) ќе чини 73,50 денари по литар.
Дизел горивото ЕУРОДИЗЕЛ (Д-Е V) исто така бележи зголемување на цената, која сега е повисока за 1 денар по литар, достигнувајќи 74,00 денари за литар.
Од друга страна, цената на мазутот М-1 НС е намалена за 0,802 денари по килограм, што значи дека малопродажната цена на ова гориво ќе изнесува 47,209 денари по килограм.
Новите цени на горивата стапуваат на сила од 18 февруари 2025 година од 00:01 часот и ќе важат до следната промена:
– ЕУРОСУПЕР БС-95 – 80,00 денари за литар
– ЕУРОСУПЕР БС-98 – 82,00 денари за литар
– ЕУРОДИЗЕЛ (Д-Е V) – 74,00 денари за литар
– Екстра лесно масло за домаќинство (ЕЛ-1) – 73,50 денари за литар
– Мазут М-1 НС – 47,209 денари за килограм
Со овие корекции,горивата стануваат поскапи за најголемиот дел од потрошувачите,што ќе влијае на вкупните трошоци за транспорт и домаќинствата кои користат овие деривати.
