Во земјите во кои многубројни работни задачи се извршуваат во седечка положба, речиси 80 проценти од возрасните во некој период од животот се жалат на болки во грбот.Сепак, една работа дефинитивно помага – вежби!
„ Истегнувањето ги продолжува и силните мускули, го намалува притисокот на карлицата“, вели Кристиан Берг, експерт за анатомија и автор на книгата Prescriptive Stretching.
Имено, истражувања покажуваат дека пациентите кои патат од болки во грбот, а во рамки на лекувањето не се фокусираат само на лекарства, туку и на вежби имаат подобри резултати. Берг советува барем еднаш во денот да ги правите овие вежби за да ги спречите болките. Секое движење задржете го 10 секунди, потоа стегнете ги мускулите на пет секунди, а подоцна повторно истегнете се 10.
„Отворете“ ги колковите
Истегнете ги мускулите од долниот дел на телото до клучните коски. Седнете на ивицата од маса, клупа или кревет. Лежете на грбот и фатете ги колената, целиот долен дел од грбот треба да биде во допир со подлогата. Фатете го левото колено со двете раце и испружете ја десната нога така што ќе виси слободно. Држете 10 секунди, а потоа стегнете ги мускулите, па повторно растегнете се. Повторете ја истата постапка со другата нога. Направете два сета вежби на секоја страна.
Истегнување од страна
Целта во оваа вежба ви се мускулите од долниот дел од грбот кои се протегаат од врвот на колковите до ребрата. Лежете на под на десна страна, наслонувајќи се на подлактиците. Соберете ја левата нога и приближете ја колку што можете до стомакот без поместување на десната. Левото стапало нека ви биде на подот. Полека подигнете го горниот дел од телото, така што десната рака ќе биде исправена. Станете кога ќе почувствувате мало затегнување на десната страна од половината. Направете два сета на секоја страна.
L став
Истегнете ги мускулите. Застанете пред масата или површина која е во висина на колковите. Подигнете го десното колено и превиткајте ја ногата на масата, оформувајќи буква L, а притоа во линија со колкот. Направете два сета со секоја нога.
