Украина е де факто членка на НАТО, вели украинскиот министер за одбрана, Олексиј Резников.
„Украина како земја и вооружените сили на Украина станаа членка на НАТО. Де факто, не де јуре (со закон). Затоа што имаме оружје и знаеме да го користиме“, изјави Резников за Би-Би-Си.
Според него, тоа е факт и неговото тврдење нема да биде сфатено како спорно.
Тој додаде дека е сигурен дека Украина ќе добие нови пратки оружје од западните земји, вклучувајќи тенкови и борбени авиони.
„Сигурен сум дека во блиска иднина, де јуре, ќе станеме членки на НАТО“, додаде Резников.
Извор: МИА
