Според него, тоа е уште попотребно по вклучувањето на севернокорејските војници во воените дејствија на руската страна и поддршката за Москва од Кина и Иран
Најдобро е земјите кои обезбедуваат оружје за Украина да не поставуваат ограничувања за тоа како силите на Киев можат да го користат, изјави денеска генералниот секретар на НАТО Марк Руте, при пристигнувањето на состанокот на министрите за одбрана на Европската Унија во Брисел.
„Секој сојузник донесува одлуки за ова прашање независно. Денеска ќе разговараме како Украина може да победи – за тоа се потребни повеќе пари и помош“,
додаде тој.
Според него, тоа е уште попотребно по вклучувањето на севернокорејските војници во воените дејствија на руската страна и поддршката за Москва од Кина и Иран.
Според Руте, рускиот претседател Владимир Путин му се оддолжува на Пјонгјанг со обезбедување ракетна технологија, а тоа претставува смртна закана не само за Европа, туку и за Јужна Кореја, Јапонија и САД.
„Треба да го зголемиме военото производство, НАТО и ЕУ тесно соработуваат на ова, два проценти од БДП трошоците за одбрана и одвраќање не се доволни. Плановите на Путин не смеат да успеат, Украина мора да надвладее“,
рече Руте по повод 1 000-годишнината од почетокот на руската воена инвазија на украинска почва.
