Поранешната ѕвезда на Дизни, која имаше само 29 години изврши самоубиство.
Познатиот американски актер Ли Томпсон Јанг е пронајден мртов во домот во Лос Анџелес, а на неговото тело биле видливи повреди нанесени со огнено оружје.
29-годишниот Јанг го пронашол сопственикот на станот откако од телевизиското шоу во кое Ли учествувал го замолиле да провери зошто актерот не се појавил на работа и не одговара на повиците.
„Со голема тага објавувам дека Ли Томпсон Јанг трагично си го одзел животот“, објавил неговиот застапник во официјално соопштение.
Смртта на Ли е второ самоубиство во последните две недели. Следи откако актерката Џиа Алеманд си го одзема животот со бесење, исто така на 29-годишна возраст.
Јанг се прослави со улогата во серијата на Дизни „The Famous Jett Jackson“.
