Според психолозите формата на лицето и специфичните црти издаваат каков е карактерот на човекот.
После долгогодишни истражувања и развој, специјалистите се определиле за 7 различни типа, од кои секој има специфични препознатливи знаци.
Лидер
Лидерите имаат тркалезно лице, меки црти и длабок поглед кој издава мудрост. Овие луѓе се карактеризираат со широкогледост, толеранција, емоционална интелигенција и силен дух. Тие се однесуваат како да живееле десетици минати животи и имаат акумулирано искуство со кое ги надминуваат останатите. Често се лидери во општеството. Тоа се луѓе на мислата и моралот, на чистите односи и добрината. Иако понекогаш имаат остар јазик, зад тешките зборови се крие само фер третман.
Занаетчија
Занаетчиите поседуваат неверојатно мирен, експресивен и длабок поглед, како врата кон слоевитата душа, како портал кон таинствените внатрешните светови. Овие луѓе секогаш оставаат силен впечаток кај околните. Поседуваат необјаснета харизма и шарм кој делува како магнет. Тие се талентирани и многу духовити личности, конкретно тие се она што некои го нарекуваат Х-фактор, а ние го нарекуваме магија!
Војник
Војниците изгледаат силни, жилави, со груби црти и тежок поглед кој чиниш вели: „ Не се осмелувај да ме уништиш“ Овие луѓе се исклучително темпераментни. Во нив беснеат кршливи емоции и длабоки мисли кои им ја разрушуваат душата на илјадници парчиња. Од сè на светот најмногу мразат пасивност. Тие се будни и не трпат мрзливци. Нивниот темперамент не им дозволува да бидат слаби и нерешителни. Тешко се живее со војниците, но сепак ако не сретнеш барем еден таков низ животот, тоа значи ништо не си видел од него.
Гениј
Гениите имаат многу интелигентно емитување, што предизвикува почит кај останатите. Не сакаат да зборуваат многу, ниту пак фрлат празни зборови во оган. Изклучително се избалансирани и одлично ја сфаќаат својата супериорност, не фалејќи се со неа, туку само слушаат и набљудуваат. Да, тие знаат како да слушаат и да ги впиваат најважните работи со секое влакно на телото.
Комичар
Комиците се познаваат по невообичаено крупни црти на лицето, кои понекогаш дури личат на анимирани слики. Погледот им е игрив, издава веселост и добронамерност. Ова се исклучително позитивни личности, пријатно друштво и одлични пријатели. Тие сакаат да зборуваат многу, да се смеат гласно и да заразуваат со добро расположение.
Свештеник
Свештениците имаат бадемовидно лице, мачкини очи и остроумен поглед.Основната движечка сила во животот им е стремежот да ги прават нештата подобро од другите. Тие се родени за да бидат лидери, но понекогаш се тетерават во фанатизам во овој копнеж. Не трпат критики и воопшто не сакаат да ги поучуваат. Многу се горделиви, дури и премногу, самоуверени, одлучни и амбициозни.
Член на кралското семејство
Кралското семејство имаат широка, добро изразена вилица. Лицето им открива самоувереност, суровост и моќ, како да вели: „Јас одлично знам што правам!“ Тоа се доста непоколебливи луѓе кои понекогаш изгледаат премногу мрачни и строги. Вистината е дека се токму такви – личности, кои не дозволуваат некој друг да им диктира правилата во животот.
