Софија Лорен
Софија Лорен и понатаму важи за една од најубавите жени во светот, а во младоста пленела со женствената фигура и широка насмевка. За успехот на нејзината актерска кариера сведочи и Оскарот кој го освоила за воената драма „La Ciociara“, како и петте Златни глобуса.
Годините оставиле трага на лицето на Софија, но таа и на 79 години и понатаму плени со шармот и елеганцијата. Имала само еден маж- филмскиот продуцент Карло Понти. Со него била во брак до 2007 година, кога тој починал. Софија во 2007 година покажала дека годините ништо не ѝ можат на нејзиниот сексапил кога таа се појави оскудно облечена во календарот „Pireli“ и ги засени помладите колешки Пенелопе Круз и Хилари Свонк.
