Се работи за шестократно убиство, ја исклучувам можноста од самоубиство. Сите се убиени со огнено оружје, не со по еден, туку со повеќе истрели. Ова го изјави Борислав Сарафов, директор на Националната служба за истраги на Бугарија.
Сарафов рече дека никој не извршил самоубиство со три или четири куршуми.
„Кога некој ќе се убие, оружјето е до него. Работиме на повеќе верзии”, рече тој. Оружјето сè уште не е пронајдено. „Досега не го откривме оружјето за убиството. Дали се работи за едно оружје ќе стане јасно откако ќе се заврши балистичката експертиза. Има многу работа во лабораторија за да се направи анализа за материјалните и биолошките докази “, рече Сарафов, додавајќи дека убиствата биле извршени на новогодишната ноќ.
„Верувам дека утре ќе имаме повеќе информации. Истрагата е во тек”, изјави Младен Маринов, главниот секретар на МВР.
Основната верзија на убиството е поврзана со убиениот Неделчо и неговата комерцијална активност за „чистење“ на ДДВ преку фиктивни компании.
„Во моментов немаме осомничени за убиството од роднините на убиството. Ги разгледуваме сите верзии“, рече Маринов.
Вчера бугарските медиуми јавија дека во куќа во Нови Искар пронајдени биле тела на пет лица – две жени, двајца мажи и 12-годишно момче. На телата биле пронајдени знаци на насилство. Денеска во близина на куќата бил пронајден џипот на еден од убиените и мртво тело на жена фрлено во дупка.
Во вторникот во куќата во Нови Искар беа пронајдени телата на мажот на жената пронајдена во дупката, неговиот син, ќерката на жената од првиот брак, и нејзината свекрва и едно момче.
