Пејачката Емина Јаховиќ неодамна за време на еден свој настап, коментирала за желбата на турскиот премиер за забрана на Твитер во земјата во која и самата пејачка живее.
– Катастрофално. Не знам што да кажам во врска со тоа. Тоа за мене е укинување на човековите права и затоа е многу чудно, но добро. Тоа е работа на политика, јас не се мешам но дефинитино не се согласувам- рекла пејачката.
Со оглед дека и самата Емина е многу активна на оваа социјална мрежа, таа силно го осудува потегот на турскиот премиер Реџер Тајп Ердоган, а веста за укинувањето на Твитер ја дознала во Србија па пејачката не знае колкава прашина се дигнала во Турција поради оваа вест.
– Кога слетав во Србија слушнав дека нема Твитер. Кога ќе се вратам во Турција ќе видам за што поточно станува збор, па тогаш и ќе дознаам каква била реакцијата на луѓето бидејќи не сум прочитала ништо за тоа- рекла Емина.
Во случај да не се промени ништо до нејзиното враќање дома и премиерот остане доследен на својата одлука , Емина и нејзиниот сопруг пронашле резервен начин за комуникација со фановите, а тоа е Фејсбук.
