Горниот дом на швајцарскиот парламент го отфрли денеска предлогот за помош од пет милијарди франци (околу 5,128 милијарди евра) за Украина како дел од поширокиот финансиски пакет, бидејќи планот ги прекршува правилата на неутралната земја за кредитирање.
Со 28 гласа „против“ и 15 „за“, законодавците го отфрлија пакетот вреден 15 милијарди франци, со кој се предвидуваа и дополнителни средства од 10,1 милијарди франци за швајцарските вооружени сили.
Во изминатите недели се очекуваше дека предлогот ќе биде отфрлен, претставниците на десницата особено се спротиставуваа.
Пратениците рекоа дека пакетот прекршува одредена швајцарска одредба, таканаречената „должничка кочница“, и го отфрлија две недели пред швајцарската влада да одржи самит за постигнување мир во Украина.
Финансискиот пакет, кој беше одобрен од посебна парламентарна комисија во април, беше замислен како извонреден придонес за швајцарската безбедност и „мирот во Европа“ во светло на руската војна во Украина.
Помошта за Украина беше наменета за реконструкција и поправка на инфраструктура во државата.
