Спатифилумот, попознат како „Женска среќа“, е извонредно растение со сјајни зелени лисја кое создава прекрасни бели цветови. Со правилна грижа, тоа ќе процвета и ќе внесе свежина во вашиот дом. Еден природен метод за поттикнување на растот и цветањето вклучува подготовка на специјална органска течност.
За да го подготвите растворот, ќе ви бидат потребни следните состојки:
– 1 литар вода
– 200 мл незасладено кафе
– 1 лажица мелен цимет
Сите состојки добро измешајте ги и оставете ги да отстојат околу три часа. Потоа, процедете го растворот и истурете го во чист сад. Со подготвената течност наводнете го растението и дополнително користете шише со распрскувач за да го испрскате низ лисјата. Оваа техника овозможува подобро впивање на хранливите материи и му дава дополнителен сјај на лисјата.
По неколку дена, ќе забележите позитивни промени – лисјата ќе станат посјајни, а цветот ќе оживее со нова свежина. Овој метод е едноставен, но многу ефикасен, и со само една чаша од смесата вашиот спатифилум ќе цвета поинтензивно од кога било претходно.
Домашно органско ѓубриво за дополнителен раст
Покрај оваа течност, постојат и други природни начини за хранење на растението.Еден од нив е користење на алое вера. Земете еден лист од алое вера, исечкајте го и ставете го во блендер со 1-2 литри вода (во зависност од големината на листот). После блендирањето, течноста процедете ја и со неа наводнувајте ги растенијата на секои 15 дена.
Освен алое вера, може да користите и оризова вода.Земете околу 100 грама ориз,измијте го и изблендирајте го со 2 литри вода. Потоа, исцедете ја течноста и со добиеното оризово млеко наливајте ги вашите билки. Овој природен начин на прихранување обезбедува потребни хранливи материи и придонесува за здрав раст на растението.
Спатифилумот сака светла просторија, но без директно изложување на сончеви зраци. Овие едноставни и природни методи на прихранување ќе му помогнат да цвета подолго време и да остане зелен и енергичен.
