Србија го ограничи влегувањето на мигранти на нејзина територија.
Според информациите на граничниот премин “Табановце” се пуштаат само бегалци од Сирија, Ирак и Авганистан кои имаат валидни документи за лична идентификација.
Останатите се оставени да чекаат на границата. Претставници на Високиот комесаријат на ОН за бегалци пристигнале на граничниот премин.
Според нив српските власти дозволиле влез само на одредени националности.
Србија нема да биде жртва
„Србија нема да биде жртва, ако бидат затворени границите поради мигрантите“, изјави министерот от за внатрешни работи на земјата.
„Србија е безбедна земја и безбедносните служби работат на зголемување на својот капацитет, за да не се претвори земјата во жртва, ако дојде до затворање на границите за мигрантите“, вели министерот за внатрешни работи, Небојша Стефановиќ, пишува српскиот весник “Политика”.
„Секогаш треба да бидеме отворени. Србија е стабилна земја и оаза на мирот во регионот. Земјата нема да стане жртва, во случај да дојде до затворање на границите поради мигрантите “, вели Стефановиќ.
