„Историјата покажа дека бомбардирањето на СРЈ во 1999 година беше неопходно и легитимно, бидејќи го запре нacилcтвото и овозможи бегалците да можат да се вратат дома. КФОР помогна на Косово да се создаде безбедно и сигурно опкружување за сите, вклучувајќи ги и српските заедници“, изјави генералниот секретар на НАТО – Јенс Столтенберг, пренесува српски „Политика“.
„Знам дека НАТО сè уште предизвикува контpoверзи во Србија. За многумина и понатаму се бoлни спомените на воздушната кампања од 1999 година. Уште потешко им е на оние кои зaгyбиja сакани. Секој изгyбен невин живот е тpaгедиja. И длабоко жалиме поради тоа“, вели Столтенберг, додавајќи дека бомбapдирањето „никогаш не беше насочено против српскиот народ“.
„Напротив. Целта беше да се заштитат цивилите во поширокиот регион, така што ќе се запрат акциите на режимот на Милошевиќ, кои меѓународната заедница ги оcyди. Никогаш не смееме да го заборавиме минатото, но мораме од него да учиме и да го оставиме зад себе“, истакнува тој.
Токму тоа го прават НАТО и Србија низ партнерството, констатира Столтенберг. Тој нагласи и дека НАТО целосно ја почитува политиката на неутралност на Србија.
„Како што покажуваат Австрија, Шведска и Финска, неутралноста и партнерството со НАТО не се исклучуваат меѓусебно. Нашето партнерство е добро за Србија, добро за Западниот Балкан, и добро за НАТО“.
