Во организација на првиот специјализиран тренинг центар во областа на
продажба, услуга и успех, Triple S Learning, во Скопје гостува
најпознатиот светски експерт за справување со економски кризи и
продажба во услови на рецесија г-динот Роуан Гибсон.
Тајните на продажен успех и стратегиски пораст во услови на рецесија според Роуан Гибсон, гуруто на современиот иновативен менаџмент
Во организација на првиот специјализиран тренинг центар во областа на продажба, услуга и успех, Triple S Learning, во Скопје гостува најпознатиот светски експерт за справување со економски кризи и продажба во услови на рецесија г-динот Роуан Гибсон.
Господинот Роуан Гибсон е најпознат светски експерт за стратегии за избегнување и надминување на ефектите од глобалната рецесија и продажни стратегии во услови на економска криза. Во негово авторство, а во издание на Harvard Business Press е и бестселерот – Иновациja до Корен, кој веќе е преведен и на македонски јазик. Г-динот Гибсон веќе е дел од успехот и стратешкиот развој на многу светски компании, а само мал дел од таа листа се и: Microsoft, Nokia, Heineken, Philips, Roche, ING Bank, Ernst & Young, Investec, IBM, Bayer, Philips, Siemens, Volkswagen, Gap, Renault, Mercury International, Nestle, Nike, Delloite, Procter & Gamble, TNT…
Пред македонските компании е исправена шансата и своето име да го додадат на оваа импозантна листа, затоа што како што самиот Гибсон вели: „Лидери на 21-от век ќе бидат оние кои ќе ги трансформираат нивните компании во нешто што наликува на теренско возило – ќе има способност да се адаптира на сите препреки и секаков терен, моќно возило кое сепак ќе биде лесно за маневрирање.“
Елитната бизнис конференција, која ќе се одржи на 15 април во хотелот Холидеј Ин, совршено кореспондира со тековната ситуација во македонската и светската економија. Опстојувањето на пазарот, зголемувањето на профитот и пребродувањето на економската криза со зголемен раст се точки кои моментално го тангираат секој бизнисмен.
Првата сесија на конференцијата ќе се однесува на стратегии за победа во тешки економски времиња.
Новата перспектива која г-динот Гибсон ја нуди целосно ги менува традиоционалните сфаќања: целата стратегија на компанијата треба да се реиновира од аспект на клиентот: „Современиот иновативен маркетинг започнува не од компанијата, туку од потребите на клиентите. Иновирањето во маркетингот не значи да се размислува: “Што може да променам на мојот производ” туку да се запрашаме “Што му е потребно на мојот клиент во овој момент” и “Што може да направам за тоа да го обезбедам” . Ќе ви кажам еден пример како тоа го направи еден голем ланец на супер маркети, кој е мој клиент од Велика Британија. Во соработка со Џејми Оливер, интернационално познат професионален готвач, пласираа линија нови производи која се викаше “Нахранете го своето семејство ѕа 5 фунти”. Тоа го реализираа многу едноставно со тоа што постоечките продукти во маркетот, како тестенини, месо, сосови, ги групираа во посебни пакетчиња, така што нивната вредност да не надминува 5 фунти. На тој начин тие погледнаа од страната на купувачот кој доаѓа во маркетот со еден проблем “денес треба да подготвам ручек за моето семејство за 5 фунти” и истапија со решение на тој проблем. Проектот беше неверојатно успешен и за многу кратко време го зголеми значително профитот на ланецот маркети. Се разбира ова е навидум многу едноставен, но многу ефективен пример. Тоа им го советувам на моите клиенти, дека купувачите и нивните потреби секаде треба да бидат точката од која се поаѓа, кога се иновира маркетингот.“
Веќе следната сесија ги обработува темите за кои г-динот Гибсон веќе е прогласен за светски експерт: иновација до корен, односно како да се трансформира секоја компанија во лидер на полето на иновацијата. Самиот основоположник на оваа бизнис парадигма, г-динот Гибсон вели: „Често под иновација се подразбира иновирање на нови продукти, но иновацијата генерално значи иновирање на нови начини на менаџирање на процесите и идеите и иновирање на нова вредност за клиентите.
Иновирањето на нови продукти-услуги не е креативност, туку вештина која се учи. Во мојата книга, која стана светски бестселер “Иновација до корен” тоа го објаснувам со техниката ‘четирите леќи на иновацијата’ . На пример компанијата Whirlpool користејќи го овој принцип го зголеми својот профит од 73 милиони на 3.5 билиони долари годишно. Тие ги ре-инвентираа своите производи на следниов начин. Наместо да се трудат на направат најдобра машина за перење садови, со иста намена и карактеристика на оние на конкуренцијата, и да се надеваат дека ќе заземат поголем дел од продажбата во тој пазар, тие се свртија кон поинаков тип на купувачи. Според маркетиншките истражувања луѓето кои живеат сами, наспроти класичните 4-и повеќе-члени домаќинства се најбргу растечка демографска група. На таквата демографска група не им значи машина за перење садови со класична големина, која не можат да ја наполнат за една недела. Затоа Whirpool го исфрли продуктот наречен Briva, кој претставува истата машина, но со помали димензии. Производот беше вистински бум на пазарот.
Иновирањето на нови менаџмент стратегии, е нешто што е задача на секој менаџер и на секој директор. Тоа е нешто што може да се примени веднаш и да донесе инстант резултати, но се потребни вештини на исклучителен креативен лидер, за кои ќе зборувам на конференцијата во Скопје.“
Големото финале доаѓа во третата сесија, односно како да се зголеми продажбата во кризни времиња. Самите посетители на конференциите на г-динот Гибсон велат дека неговите предавања заменуваат неколку прочитани книги од бизнис литературата. Прилагодувајќи го своето излагање на македонскиот пазар и условите кои владејат во македонската економија, г-динот Гибсон подготвува конкретни примери и решенија кои посетителите уште веднаш ќе можат да ги применат во своите компании: „На пазар на кој психолошката куповна моќ е намалена или ставена во стагнација, купувачите размислуваат повнимателно во однос на изборот на производ, размислуваат подолго, имаат повеќе дилеми и пречки во однос на тоа дали да купат сега, од кога и да било. Но истовремено, повеќе од било кога бараат да купат и се спремни да платат за производ/услуга во кој ќе увидат вредност. Бидејќи не секогаш производите зборуваат за себе потребни се продавачи кои знаат да ја искомуницираат оваа вредност на начин на кој купувачите сакаат да ја чујат. Што е тоа што го сакаат купувачите, да го чујат, видат и доживеат е она на што ќе се фокусираме на сесијата “Продажба во турбулентни времиња”.“ – Роуан Гибсон.
Аплицирањето за конференцијата е во тек, а повеќе информации за настанот можете да добиете на www.gibsonvoskopje.com.mk.
