Се појавуваат првите информации за ноќешните американски напади во Бандар Абас, на југот од Иран, кои Вашингтон ги квалификува како акт на самоодбрана. Иако целосните детали сè уште не се соопштени, извори од двете страни веќе започнаа да ги изнесуваат своите гледишта за настаните. Висок функционер од американската администрација изјави за „Фокс њуз“ дека ударите не биле обид за нарушување на примирјето. Според неговите тврдења, американската војска реагирала по забележувањето на два иранска брода од Револуционерната гарда како поставуваат мини, а една противвоздушна позиција отворила оган кон американските авиони. Овој функционер истакна дека нападите се завршени и дека имале одбранбен, а не офанзивен характер. Со другата страна, ирански извор за „Ал Џезира“ тврди дека во американскиот напад имало загинати. Според тие информации, неколку припадници на морнарицата на Револуционерната гарда биле убиени за време на нападот.
