Милан ги заврши своите настапи во Лигата на шампионите откако беше елиминиран од Феенорд. На реваншот кој се одигра на „Сан Сиро“, резултатот беше 1:1, но холандскиот тим имаше предност од првиот дуел во Ротердам, каде славеше со минимални 1:0.
Натпреварот започна перфектно за „росонерите“, бидејќи уште во првата минута Гименез успеа да ја затресе мрежата. Домаќините продолжија да доминираат во првото полувреме, создавајќи неколку одлични можности и погодувајќи ја стативата, што им даваше надеж за поминување во следната рунда.
Сепак, крајот на првиот дел донесе проблеми за Милан. Тео Хернандес доби жолт картон, а во 54-та минута, поради симулација, беше санкциониран со уште еден, што значеше црвен картон и исклучување.
Со играч помалку,Милан не успеа да ја зачува предноста. Феенорд ја искористи бројчаната надмоќ и постигна гол кој го однесе дуелот на 1:1, обезбедувајќи си место во осминафиналето.
