Белата куќа потврди дека американскиот претседател Доналд Трамп планира денес да одржи виртуелен состанок со украинскиот претседател Володимир Зеленски и европските сојузници, извести синоќа Би-Би-Си.
Овој разговор ќе се одржи пред средбата на Трамп со рускиот претседател Владимир Путин, која е закажана за петок во Алјаска.
Путин имаше телефонски разговор со севернокорејскиот лидер Ким Џонг Ун во врска со претстојната средба со Трамп.
Според руските медиуми, повикувајќи се на Кремљ, информациите за самитот во Алјаска биле споделени преку телефон.
Откако започна инвазијата на Украина, Русија и Северна Кореја ги зајакнаа своите безбедносни врски, а Пјонгјанг испрати војници да се борат на страната на Москва.
