Американскиот претседател Доналд Трамп и канадскиот премиер Марк Карни ќе имаат разговори во наредните денови, откако САД воведоа царини од 35 проценти на производи кои не се опфатени со трговскиот договор помеѓу Америка, Мексико и Канада.
Ова го изјави министерот за американско-канадска трговија, Доминик ЛеБланк, кој нагласи дека е „охрабрен“ од неодамнешните преговори. Тој додава дека верува оти постои можност за договор за намалување на царините.
„Сме охрабрени од разговорите со американскиот министер за трговија, Хауард Лутник, и со претставникот на САД за трговски прашања, Џејмисон Грир, но сè уште не сме дошле до точката што е потребна за да постигнеме договор кој би бил во најдобар интерес на економиите на двете земји“, изјави ЛеБланк.
