Британската музичарка која се крие зад називот RAYE, со вистинско име Рејчел Агата Кин, откри дека ѝ бил украден автомобилот со сите бележници во кои пишувала песни, а кои ги чувала во багажникот на возилото.
Уметницата номинирана за Mercury Prize, која доби шест музички награди на годинешното издание на Brit Awards, работеше на продолжението на нејзиниот деби албум „My 21st Century Blues“.
„Ми го украдоа автомобилот со сите песни во багажникот, така што вториот албум нема да излезе наскоро“, напиша таа во објавата на Instagram, каде сподели фотографии од нејзината 27-ми роденденска забава.
Музичарката образована во престижното Brit School со години се искачува на топ листите откако потпиша договор со „Polydor Records“ уште како тинејџерка.
Подоцна таа го позајми својот вокал на првите пет хитови на Дејвид Гета и Џекс Џонс, а напиша текстови за Бијонсе и Ријана.
И покрај нејзиниот талент, нејзината независна работа не ги постигна истите резултати како тие соработки, а во 2021 година ја изрази својата фрустрација затоа што издавачката куќа сè уште не ѝ дозволила да го издаде својот деби албум.
Кон крајот на 2022 година, таа започна независна кариера, а нејзината песна „Escapism“ со раперот 070 Shake стана вирална на TikTok и се искачи на врвот на музичките топ листи.
