Холандија ќе ѝ обезбеди на Украина финансиска помош од 2.65 милијарди долари, соопшти холандската Влада.
Средствата се наменети за воена помош, обнова на инфраструктурата и помош при истраги за потенцијални воени злосторства, нагласија од Владата.
„Сѐ додека Русија ја продолжува својата војна против Украина, Холандија ќе ѝ пружи помош на Украина – воена, хуманитарна и дипломатска“, напиша холандскиот премиер Марк Руте на Твитер.
