Унгарската влада остро ги осудува заканите на украинскиот претседател Володимир Зеленски и упатува повик до соседната земја да престане да ја загрозува енергетската безбедност на Унгарија, изјави денеска министерката за надворешни работи, Петер Сијарто.
Во објава на социјалната мрежа „Фејсбук“, Сијарто истакна дека Зеленски „шокантно ѝ се заканил на Унгарија“ на прес-конференцијата со канадскиот премиер Марк Карни, пренесуваат медиумите.
„Во последниот период, Украина интензивно напаѓа на безбедноста на нашето снабдување со енергија“, рече Сијарто, нагласувајќи дека унгарската влада ги смета овие акции за напади на суверенитетот на земјата.
„Кршењето на нашиот суверенитет не може да се оправда со војна со која ние немаме никаква врска“, додаде тој, повикувајќи го Зеленски да престане со заканите и да не ја загрозува енергетската безбедност на Унгарија.
На денешната прес-конференција, Зеленски, одговарајќи на прашање во врска со неодамнешниот напад на нафтоводот „Дружба“, што предизвика прекин на протокот на руска нафта кон Унгарија, рече дека „пријателството меѓу Украина и Унгарија зависи од ставот на Унгарија“.
