Во изминатата ноќ, Денвер Нагетс славеа над Бостон Селтикс со резултат 103:84 во НБА лигата.
На последните осум натпревари, Нагетс имаа изменично победи и порази (по четири). Меѓутоа, во овој сложен дуел со Селтикс, успеаја да излезат како победници со убедлива разлика.
Селтикс беа во серија од четири последователни победи и девет победи во последните десет натпревари, а турнејата во Западната конференција ја завршија со резултат од 3-1.
Клучна фигура во успесот на Нагетс беше Никола Јокиќ, кој забележа дабл-дабл со 30 поени, 12 скока и 6 асистенции. Тим Хардавеј Џуниор постигна 14 поени, Џулијан Стротер дополни со 12, а Камерон Џонсон и Јонас Валанчиунас одиграа одлично, секој со по 11 поени. Овој натпревар Нагетс го одиграа без Џамал Мареј, кој поради болест излезе од игра по само 7:51 минути во првата четвртина и не се врати.
Во редовите на Бостон, Џејлен Браун беше најзабележителен со 23 поени и 11 скока, додека Дерик Вајт забележа 20 поени. Нимијас Кета придонесе со 10 поени, а Никола Вучевиќ заврши со 2 поени и 8 скока.
