Фудбалерите на Елче успеаја да ја прекинат својата лоша форма во Примера, остварувајќи важна победа во битката за опстанок против Мајорка, со резултат 2:1 на домашен терен во 29-то коло. Најнеуспешен играч на мечот се покажа напаѓачот на Мајорка, Ведат Муричи, кој во 92-та минута не успеа да реализира пенал.
Првите 62 минути од натпреварот беа идеални за Мајорка, која од 58-та минута имаше предност преку голот на Пабло Торе. Но, радоста на гостите траеше само четири минути, кога Рафа Мир, со одлична реакција во шеснаесетникот, донесе израмнување за Елче.
Пресвртот дојде во 71-та минута, кога Тете Моренте изведе брилијантен скок и со глава ја смести топката во мрежата, по центаршут од левата страна. Голманот на Мајорка беше немоќен да ја спречи.
Кога изгледаше дека бодовите ќе останат во Аликанте, Мајорка доби пенал во 90-та минута, откако Педро Бигас направи прекршок играјќи со рака пред својот гол, што беше потврдено и од ВАР-системот.
Муричи ја зеде одговорноста за изведувањето, но неговиот удар заврши високо над голот во 92-та минута.
Со оваа важна победа, Елче успеа да се оддели за бод од Мајорка и да се пробие во безбедната зона, додека Мајорка падна на позицијата која води во Сегунда следната сезона.
Фото: EPA
