Уште едно видео од инцидентот во собраниската Комисија за европски прашања се појави на социјалните мрежи, а го објави порталот „Денешен.мк“. На видеото се гледа моментот кога претседателот на комисијата – Арбер Адеми од ДУИ, го удира Антонио Милошоски од ВМРО-ДПМНЕ во лицето со шолја за кафе/чај, но и миговите претходно кои ескалираа до таквата ситуација, кога Милошоски му го повлекува микрофонот а Адеми го плеснува по раката.
Во видеото се гледа и како Адеми неколкупати си погледнува во дланката, за подоцна да стане јасно дека таа е крвава. И покрај тоа, Адеми продолжува да се расправа и да се заканува со физичка пресметка додека службеници и негови колеги се обидуваат да го изнесат од салата.
