Либанската армија објави дека се подготвува да се распореди на југот на земјата, регион силно бомбардиран од Израел во неговата борба против Хезболах. Беа бомбардирани и источните градови, како и помалите градови и упоришта на вооружената група во јужните предградија на Бејрут
Прекинот на огнот меѓу Израел и либанската вооружена група Хезболах стапи денеска во сила откако двете страни постигнаа договор со посредство на САД и Франција.
Договорот стави крај на конфликтот меѓу Израел и милитантната група која Иран ја поддржува со години и резултираше со многу жртви, но Израел сè уште се бори против својот друг непријател, палестинската милитантна група Хамас во Појасот Газа.
Либанската армија објави дека се подготвува да се распореди на југот на земјата, регион силно бомбардиран од Израел во неговата борба против Хезболах. Беа бомбардирани и источните градови, како и помалите градови и упоришта на вооружената група во јужните предградија на Бејрут.
Редици од автомобили и комбиња преполни со душеци, куфери, дури и мебел преминуваа на југ низ силно бомбардираниот јужен пристанишен град Тир.
Израелската армија денеска соопшти дека нејзините воени сили се уште се стационирани на либанска територија и ги повика жителите на јужните либански села, кои во последните месеци беа повикувани на евакуација, да го одложат своето враќање дома до натамошно известување од израелската армија.
Израел соопшти дека ги идентификувал оперативците на Хезболах кои се враќале во областите во близина на границата и отворил оган за да ги спречи да се приближат. Засега нема никакви знаци дека инцидентот би можел да го поткопа прекинот на огнот.
Во Либан, некои автомобили истакнаа национални знамиња, други свиреа и покажуваа победнички знаци додека луѓето почнаа да се враќаат во домовите од кои избегаа.
Многу од селата во кои луѓето се враќаат веројатно се уништени. Хусам Арут, татко на четири деца, изјави за новинарите дека со нетрпение чека да се врати во својот дом.
„Израелците не се повлекоа целосно, па решивме да почекаме додека армијата официјално не објави дека можеме да влеземе. Во тој случај веднаш ќе ги запалиме автомобилите и ќе се упатиме кон селото“,
рече тој.
Прекинот на огнот меѓу Израел и либанската милитантна група Хезболах стапи на сила денеска во раните утрински часови откако двете страни го прифатија договорот постигнат со посредство на САД и Франција.
Либанската армија, која има задача да помогне во обезбедувањето на примирјето, објави дека се подготвува да се распореди на југот на земјата.
Војската, исто така, побара жителите на пограничните села да го одложат враќањето дома додека израелската војска не се повлече.
