НАСА објави неверојатно видео кое прикажува движење на Месечината и Земјата низ вселената.
Снимките биле направени од страна на роботот „Џуно“, кој моментално се наоѓа на пат кон Јупитер.
На видеото се гледа како Земјата се врти околу својата оска, додека Месечината поминува зад неа, движејќи се кон десно.
Скот Болтон, научник кој е задолжен за програмата „Џуно“, вели за Би-Би-Си дека гледајќи ја оваа слика, гледателот не може, а да не се замисли на местото на нашата планета во космосот.
„ Луѓето можат да ги видат Земјата и Месечината во движење, додека го танцуваат својот космички танц. Мислам дека тоа ги става нештата во перспектива“, вели тој, потсетувајќи дека пред неколку години „ Војаџер 1“ испрати фотографија која се вика „Бледо-сина точка“, по книгата на Карл Саган.
Популарниот астроном и писател тогаш изјави дека се што знаеме се наоѓа на таа сина точка.
„ Нашиот филм го говори тоа, но во слика која се движи“, додава Болтон, кој во Сан Франциско учествува на конференција на Американската геофизичка унија (АGU), најголем собир на научници кои ја проучуваат Земјата и планетарниот систем.
Ова не е прво видео од Земјата и Месечината во движење, но е првото кое е направено на оддалеченост од 1.000.000 километри, што е три пати растојание меѓу Земјата и Месечината.
