Законот за правична застапеност е завршен и најдоцна до 24 јуни ќе биде разгледан на владината седница. Потоа планираме да го испратиме до Венецијанската комисија, и ако сè е во ред, ќе го предадеме и во парламентот, изјави премиерот Христијан Мицкоски.
„Ожедувам дека на една од следните седници на влада, најдоцна до 24 јуни, ќе го усвоиме законот, а потоа ќе бараме итна реакција од Венецијанската комисија. Нека се произнесат, а потоа, ако е сè во ред, ќе продолжиме со процедурата во парламентот. Сакам да избегнеме политичари кои се обидуваат да предизвикаат етничка поларизација,“ рече Мицкоски за време на вечерашното гостување во централниот дневник на Алсат.
Премиерот ги отфрли обвинувањата од опозицијата за етнички и партиски вработувања.
„Не постојат само Македонци, Албанци или Турци, туку сме граѓани на Македонија, бидејќи сме мултиетничко општество. Институциите вработуваат луѓе во зависност од потребите. На некои места можеби ќе има повеќе Турци, на други Албанци или Срби, а на трети Македонци, Роми или Бошњаци. Не се согласувам со тврдењата на албанската опозиција, бидејќи освен националните теми, тие не нудат ништо повеќе. Од друга страна, македонската опозиција пак го критикува ова како партиска поделба,” истакна Мицкоски.
