На 15.03.2026 година, во 12:55 часот, полициски службеници од СВР Куманово го привеле Д.П. од село Алгуња, општина Старо Нагоричане. Тој се сомничи дека во село Челопек, исто така во општина Старо Нагоричане, запалил сува трева и стрниште, предизвикувајќи пожар на имотот на Г.С. (60) од Куманово, при што биле опожарени дрва. Пожарот беше изгаснат од екипа на Територијалната противпожарна единица од Старо Нагоричане, а среќа во целата ситуација е што нема повредени лица. Д.П. е приведен во полициска станица и по целосното документирање на случајот против него ќе биде поднесена соодветна пријава.
