Неколку членки на НАТО, вклучително и САД, издадоа предупредување за патување во Либан, повикувајќи ги своите граѓани веднаш да ја напуштат земјата поради потенцијална војна меѓу Израел и пропалестинската вооружена група Хезболах.
Ситуацијата ескалира во саботата, на 27 јули, кога во ракетен напад загинаа 12 деца во градот Мајдал Шамс на Голанската висорамнина. Израелските одбранбени сили (ИДФ) соопштија дека експлозијата била предизвикана од ракета Фалак-1 од иранско производство истрелана од Хезболах од јужен Либан, додека милитантната група негираше вмешаност во нападот.
Амбасадата на САД издаде совет за патување, повикувајќи ги Американците „темелно да го преиспитаат потенцијалното патување во Либан“.
„Безбедносното опкружување останува сложено и може брзо да се промени“, соопшти амбасадата.
Министерството за надворешни работи на Обединетото Кралство советува да не се патува во Либан „поради ризиците поврзани со тековниот конфликт“ меѓу Израел и Хезболах.
Слични предупредувања издадоа и Франција, Германија, Белгија, Холандија, Норвешка и Данска, како и земји кои не се членки на НАТО, како што се Ирска и Австралија.
