Многу сопственици на мачки се запитуваат дали нивниот миленик се дистанцира од нив кога, по галењето, веднаш започнува да се лиже. Иако тоа може да изгледа како знак на незадоволство, стручњаците велат дека причината е сосема поинаква.
Според експертите за домашни миленици, мачките имаат добро развиени хигиенски навики и многу од нивното однесување е во согласност со нивните инстинкти. Една од причините за ова однесување е фактот дека мачките се многу зависни од сопствениот мирис. Поради тоа што по галењето на нивното крзно останува човечки мирис, со лижењето тие го враќаат својот препознатлив аромат, кој им дава чувство на сигурност и удобност.
Лижењето е исто така начин на кој мачките се смируваат. Како што луѓето практикуваат длабоко дишење или техники за релаксација, така и мачките се опуштаат и го намалуваат стресот преку чистењето. Дополнително, уредувањето на крзното претставува важен аспект на нивното социјално однесување. Во дивината, мачките често се чистат меѓусебно за да ги зајакнат своите врски, па галењето може да се восприеме како слична форма на интеракција.
Сепак, експертите предупредуваат дека прекумерното лижење може да укажува на стрес, анксиозност или здравствени проблеми. Доколку вашата мачка почне да губи влакна, да има иритации на кожата или се лиже претерано, savetувањето со ветеринар е препорачливо.
Така што, ако вашата мачка почне да се лиже веднаш по галењето, најверојатно не се дистанцира од вас – туку едноставно ги следи своите природни инстинкти.
